Янгиликлар
Ватан учун, миллат учун, халқ учун!
Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасида Ўзбекистон Республикаси давлат Мустақиллигининг 34 йиллигига бағишланган "Ватан учун, миллат учун, халқ учун!" шиори остида тадбир бўлиб ўтди. Унда Қўмита раиси Ҳ.Турахужаев сўзга чиқиб, барча ходимларни байрам билан самимий табриклаб, эзгу тилаклар билдирди. Шундан сўнг соҳада ўзига юклатилган вазифаларни аъло даражада масъулият билан бажариб, фаолиятида юқори самарадорликка эришаётган бир гуруҳ Тадқиқотлар маркази фаол ходимлари, Қўмита раҳбарияти томонидан муносиб тақдирланди. #Ватан учун, миллат учун, халқ учун! #Тадқиқотлар маркази
Марказ ходимларининг малака оширишдаги ютуқлари
Рақобат сиёсати ва истеъмолчилар ҳуқуқлари тадқиқотлари маркази ходимларининг касбий ривожланиши ва замонавий билимларга эга бўлиши устувор вазифа сифатида белгиланган. Шу мақсадда, Марказнинг Малака ошириш бўйича дастурлар ишлаб чиқиш бўлими бошлиғи Барбу Глория Фуковна халқаро нуфузли "City Business School" томонидан ташкил этилган "Mini-MBA Intensive" дастурида таҳсил олмоқда. Дастур доирасида у замонавий менежмент, молиявий бошқарув, рақамли ечимлар ва стратегик таҳлил йўналишларида билимларини чуқурлаштириб, ҳозирги вақтгача 9 та модулни муваффақиятли тамомлаб ҳар бир ўтилган модуль бўйича халқаро намунадаги сертификатларни қўлга киритди. Ходимларимизнинг бундай таълим дастурларида иштирок этиши нафақат шахсий малака оширишга, балки Марказ фаолиятининг самарадорлигини ошириш ва миллий иқтисодиётда рақобатбардош тажрибаларни жорий этишга ҳам хизмат қилади. Рақобат сиёсати ва истеъмолчилар ҳуқуқлари тадқиқотлари маркази келгусида ҳам барча ходимлар учун халқаро стандартларга мос малака ошириш имкониятларини яратиш ва илғор тажрибаларни жорий қилишда изчил фаолият олиб боради. #Глория Барбу #City Business School #Mini-MBA Intensive
Рақобат сиёсати ва истеъмолчилар ҳуқуқлари тадқиқотлари маркази ходимларининг илмий мақолалари нуфузли иқтисодий нашрларда эълон қилинди.
Илмий котиб, PhD Сардор Турсунхўжаев – “Корхоналарда рақобат разведкаси тизимларини ривожлантиришда инновацион рақамли технологияларнинг ўрни” мавзусидаги мақоласи "Яшил иқтисодиёт ва тараққиёт" журналида (2025 йил, август, №8-сон) чоп этилди.Тўлиқ мақолани ўқиш:https://zenodo.org/records/16750169 Тадқиқотчи Дилором Юсупова – “Рақамли платформаларда истеъмолчи хатти-ҳаракатини шакллантириш бўйича хорижий тажриба ва уни Ўзбекистон электрон тижоратини ривожлантиришда қўллаш имкониятлари” мавзусидаги илмий мақоласи «Science and Practice» журналида (2025 йил, август, №8-сон) чоп этилди.Тўлиқ мақолани ўқиш:https://sci-p.uz/index.php/aept/article/view/2951 Тадқиқотчи Мадаминжон Исроилов – “Тўқимачилик саноатида логистика ва таъминот занжирлари шаклланиш ҳолати таҳлили” мавзусидаги мақоласи “Илғор иқтисодиёт ва педагогик технологиялар” журналида (2025 йил, август, №8-сон) чоп этилди.Тўлиқ мақолани ўқиш:https://sci-p.uz/index.php/aept/article/view/2950/2753Ҳозирги кунда Сардор Турсунхўжаев иқтисод фанлари доктори (DSc), Дилором Юсупова ва Мадаминжон Исроиловлар иқтисодиёт фанлари бўйича фалсафа доктори (Phd) илмий даражаларини олиш учун илмий изланишлар олиб бормоқдалар. Ушбу илмий тадқиқотлар мамлакатимизда соғлом рақобат муҳитини кучайтириш, рақамли трансформация жараёнларини жадаллаштириш ва саноат тармоқларида самарадорликни оширишга хизмат қилмоқда. #Яшил иқтисодиёт ва тараққиёт #Science and Practice #Илғор иқтисодиёт ва педагогик технологиялар
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!