Янгиликлар
Сўнгги йилларда мамлакатимиз ҳудудлари ривожланишида туризм ва замонавий агросаноат ҳам драйвер йўналишга айланмоқда.
Президентимиз Осиё тараққиёт банки ҳамда Европа тикланиш ва тараққиёт банки ташаббуси билан Марказий Осиё ва Кавказ инвестиция кенгашларининг минтақавий альянси ташкил этилаётганини ўз вақтида қабул қилинган қарор сифатида баҳолади.
Президентимиз Ўзбекистонда халқаро клиринг компанияларнинг фаолиятига ҳам кенг имкониятлар очилишини таъкидлади.
Тошкент халқаро молия марказида Англия ҳуқуқига асосланган махсус тартиб-тамойил жорий этилади, мустақил Тошкент халқаро тижорат суди ташкил қилинади. Унда нуфузли хорижий судьялар ва халқаро экспертлар фаолият юритади.
Жаҳон иқтисодиёти ва глобал капитал харитаси кескин ўзгараётган, савдо зиддиятлари авж олаётган ҳозирги шароитда ҳар қандай инвестор тадбиркорларнинг ҳуқуқ ва эркинликлари ишончли ҳимоя қилинаётган, иқтисодиёт жадал суръатлар билан ўсиб бораётган, кенг имкониятлар мавжуд бўлган давлатларга сармоя киритишга интилиши табиий.
Шу боис, Янги Ўзбекистонда инвестиция муҳитини тубдан яхшилаш йўлида тизимли чора-тадбирлар олиб борилмоқда. Ўтган йили ялпи ички маҳсулотимиз 7,7 фоизга ўсди, иқтисодиётга 43 миллиард доллар инвестиция жалб қилинди. Миллий валютамизнинг барқарорлиги таъминланиб, халқаро захираларимиз ҳажми 70 миллиард доллардан ортди. “Кўпчиликнинг йодида, биз тўрт йил аввал бўлиб ўтган илк форумда 2026 йил якунига келиб, Ўзбекистоннинг ялпи ички маҳсулотини 100 миллиард долларга етказишни мақсад қилган эдик. Жадал суръатларда ўсиб бораётган иқтисодиётимиз бу йил 180 миллиард доллардан ошиши кутилмоқда!”, – деди Президентимиз. Шу билан бирга, Ўзбекистон халқаро кредит рейтинги йил саин яхшиланиб бормоқда. Жорий йилда мамлакатимиз нуфузли “Иқтисодий эркинлик индекси”да 14 поғона юқорилаб, илк бор “иқтисодиёти мўътадил эркин” давлатлар қаторидан жой олди. Буларнинг барчаси Ўзбекистон иқтисодиёти янги суръат ва янги имкониятлар босқичига чиқаётганига ёрқин мисолдир. Facebook|Instagram|X
Президент Шавкат Мирзиёев бешинчи Тошкент халқаро инвестиция форумининг ялпи мажлисида нутқ сўзламоқда.
Давлатимиз раҳбари форумда қатнашаётган давлат ва ҳукумат раҳбарлари, нуфузли халқаро молия институтлари, йирик компаниялар, жамғармалар, ва етакчи ишбилармонларни қутлади. Бу йилги форумда дунёнинг 100 та давлатидан 4 мингга яқин хорижий меҳмонлар қатнашмоқда. “Сизларнинг иштирокингиз халқаро миқёсда Янги Ўзбекистон тараққиётига бўлган ишонч тобора ортиб бораётганининг яна бир ифодасидир. Форум доирасида биргаликдаги ҳаракатларимиз катта марраларга эришиш учун мустаҳкам пойдевор бўлмоқда. Хусусан, сўнгги йилларда юртимизга 150 миллиард доллардан зиёд хорижий инвестиция жалб қилинган бўлса, шундан 123 миллиард доллари охирги беш йилга тўғри келмоқда. Биз Оъзбекистон билан ҳамкорлик қилишдан манфаатдор бўлган, тенг ҳуқуқли ва ўзаро фойдали шерикликка тайёр инвесторлар учун доимо очиқмиз”, – деди Президентимиз. Фурсатдан фойдаланиб, тадбирда иштирок этаётган Албания Президенти Байрам Бегай, Россия Ҳукумати Раиси Михаил Мишустин, Беларус Бош вазири Александр Турчин, Озарбайжон Бош вазири Али Асадов, Қозоғистон Бош вазири Олжас Бектенов, Қирғизистон Вазирлар Маҳкамаси Раиси – Президент Администрацияси раҳбари Адилбек Касималиев, Тожикистон Бош вазири Қоҳир Расулзодага, Европа тикланиш ва тараққиёт банки, Янги тараққиёт банки, шунингдек, Жаҳон банки, Халқаро молия корпорацияси, Осиё тараққиёт банки, Осиё инфратузилма инвестициялари банки, Европа инвестиция банки ҳамда хорижий банклар, компания ва ташкилотлар вакилларига миннатдорлик билдирилди. Facebook|Instagram|X
Товар бозорлари юзасидан тайёрланган таҳлилий маълумотлар тўплами тақдим этилди
Тошкент халқаро инвестиция форуми доирасида Рақобат қўмитаси томонидан мамлакатимизда тадбиркорлик ва инвестиция имкониятлари мавжуд бўлган товар бозорлари юзасидан тайёрланган таҳлилий маълумотлар тўпламини тақдим этади.Рақобат сиёсати ва истеъмолчилар ҳуқуқлари тадқиқотлари маркази 2025 йил ва 2026 йилнинг дастлабки ойларида амалга оширилган таҳлиллар натижасида: - 2025 йил ва 2026 йил январ-апрел ойларида жами 94 турдаги товар бозорларида маҳаллий маҳсулотлар улуши белгиланган кўрсаткичдан паст эканлиги аниқланди;- 2026 йил январь–февраль ойларида рақобат муҳити етарли даражада шаклланмаган ҳамда ички бозор тўйинмаган 20 турдаги маҳсулотлар бўйича қўшимча таҳлиллар амалга оширилди;- Эркин иқтисодий зоналар мурожаатлари асосида 105 та товар бозори ўрганилиб, 55 та товар бозорида тўйинганлик даражаси паст эканлиги юзасидан хулосалар берилди. Марказ томонидан товар бозорларининг тўйинганлик даражаси билан бир қаторда, нархлар динамикаси, қисқа муддатли прогнозлар, бизнес фаоллиги индекси ва ҳудудий рақобатбардошлик индекси каби таҳлилий инструментлар ҳам ишлаб чиқилмоқда.Бу эса тадбиркорлар ва инвесторлар учун ички бозорда талаб юқори бўлган йўналишларни аниқлаш, импорт ўрнини босувчи маҳсулотлар ишлаб чиқаришни йўлга қўйиш, ҳудудлар кесимида инвестиция салоҳиятини баҳолаш ва бозорга кириш бўйича қарорларни ишончли маълумотлар асосида қабул қилиш имконини яратади. Таҳлил натижалари Қўмита ва Тадқиқотлар марказининг расмий веб-сайтлари ҳамда ижтимоий тармоқлардаги саҳифалари орқали мунтазам эълон қилиб борилмоқда. Батафсил: https://raqobat.gov.uz/uz/toyinganlik/Шу билан биргаликда, қўшимча маҳсулотлар бўйича таҳлил ўтказиш ва улар тўғрисида маълумотларни олишни истасангиз Рақобат қўмитасига мурожаат қилишингиз мумкинлигини маълум қиламиз. |Telegram |Facebook|Instagram|
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!