Янгиликлар
Жорий йилнинг 23–24 декабрь кунлари Тошкент шаҳрида Рақобат қўмитаси томонидан German Sparkassenstiftung ҳамда Германиянинг ҳамкорлик ташкилотлари билан ҳамкорликда “Сунъий интеллектни бошқариш: тартибга солиш ҳамда рақобатни таъминлаш бўйича Европа Иттифоқи қонунчилиги ва глобал стратегиялар” мавзусида халқаро семинар ташкил этилди.
Эътироф ва табрик Рақобатни ривожлантириш ва истеъмолчилар ҳуқуқларини ҳимоя қилиш қўмитаси раҳбарияти томонидан Рақобат сиёсати ва истеъмолчилар ҳуқуқлари тадқиқотлари маркази “SCIENCE AND INNOVATION AWARDS – 2025” танловида “Йилнинг энг яхши тадқиқот маркази” сифатида эътироф этилгани муносабати билан Марказ жамоасини самимий муборакбод этди.
“SCIENCE AND INNOVATION AWARDS – 2025” тақдирлаш тадбири доирасида “Йилнинг энг яхши тадқиқот маркази” номинацияси бўйича Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази муносиб деб топилди. Ушбу юксак натижа марказ ташкил этилганига ҳали кўп вақт бўлмай туриб эришилгани билан алоҳида аҳамиятлидир.
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази ҳамда Халқаро Вестминстер Университети ўртасидаги ҳамкорлик доирасида Қўмита ходимлари учун «Илмий тадқиқот методлари ва эконометрик таҳлил» мавзусида амалий семинар ташкил этилди.
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан хўжалик юритувчи субъектлар ходимлари учун монополияга қарши комплаенсни ўқитиш бўйича уч кунлик ўқув курси ташкил етилди.
Ўқув курси доирасида иштирокчиларга рақобат тўғрисидаги қонунчиликнинг мазмун-моҳияти, унинг иқтисодиётдаги аҳамияти ҳамда монополияга қарши тартибга солишнинг замонавий механизмлари юзасидан батафсил тушунчалар берилди. Ўқув машғулотлари Қўмита ҳамда соҳадаги етакчи мутахассислар томонидан олиб борилиб, иштирокчиларнинг амалий саволларига атрофлича жавоблар берилди. Курс якунида иштирокчиларга махсус сертификатлар топширилди Мазкур ўқув курси хўжалик юритувчи субъектлар ходимларининг монополияга қарши қонунчилик бўйича билим ва кўникмаларини ошириш, комплаенс тизимини жорий этиш ҳамда рақобат қоидаларига риоя этиш маданиятини шакллантиришга қаратилган. |Telegram |facebook|instagram|
«Иқтисодиёт фанининг миллий иқтисодиётни ривожлантиришдаги роли ва ҳиссаси» мавзусида илмий мулоқот — стратегик ҳамкорликнинг янги босқичи
Мазкур тадбир мамлакатимиздаги етакчи илмий-тадқиқот институтлари ва ақл марказларини бир майдонга жамлаб, иқтисодий йўналишларда тўпланган илмий тажриба ва методологик ёндашувларни ўзаро алмашишга хизмат қилди. - Қатнашчилар ўз соҳаларидаги долзарб масалалар бўйича илмий хулосаларини тақдим этиб, иқтисодий ислоҳотларни илмий асослаш ҳамда бозор тизимларини таҳлил қилишдаги самарали тажрибалари билан ўртоқлашдилар.- Ушбу тадбир академик ҳамкорликни кучайтириш, қўшма тадқиқотлар йўналишларини белгилаш ва илмий интеграцияни янги босқичга олиб чиқиш имконини берди. Тадбир доирасидаРақобат сиёсати ва истеъмолчилар ҳуқуқлари тадқиқотлари маркази директори, и.ф.д. Олимжон Жумаев рақобат муҳитини баҳолаш, тармоқлардаги тенденциялар ва бозор ислоҳотларининг илмий асосларига оид Марказнинг таҳлилий ёндашувлари ҳақида батафсил маълумот бериб ўтди. Йиғилиш якунида Рақобат сиёсати ва истеъмолчилар ҳуқуқлари тадқиқотлари маркази ва Давлат активларини бошқариш агентлиги ҳузуридаги Хусусийлаштириш ва давлат активларини бошқариш муаммоларини тадқиқ этиш маркази ўртасида ҳамкорлик тўғрисидаги Меморандум имзоланди. Ушбу ҳужжат икки марказнинг интеллектуал салоҳиятини бирлаштириб, илмий-тадқиқот фаолиятини чуқурлаштириш, қўшма тадқиқот лойиҳаларини амалга ошириш ва миллий иқтисодиёт ривожига илмий асосланган таклифлар беришда муҳим аҳамият касб этади. |Telegram |facebook|instagram|
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази директори Олимжон Жумаев хизмат сафари доирасида Франциянинг Тулуза шаҳрида бўлиб қайтди.
Ташриф доирасида Тулуза Мэрия–Метрополияси вице-президенти Максим Бойер билан учрашув бўлиб ўтди. Учрашувда таълим соҳасидаги ҳамкорликни ривожлантириш масалалари, биргаликда амалга оширилиши мумкин бўлган ташаббуслар ва келгуси қадамлар атрофлича муҳокама қилинди. Шунингдек, Тулуза олий мактаби билан ҳамкорликда амалга ошириладиган дастлабки ишлар ҳақида фикр алмашилди. Ташриф якунида томонлар ўзаро ҳамкорликни кенгайтиришга қаратилган икки томонлама келишувларни имзоладилар. Ушбу келишувлар келгусида қўшма илмий лойиҳалар, ўқув дастурлари, экспертлар алмашинуви ва институционал ҳамкорликни янада кучайтиришга хизмат қилади.|Telegram |facebook|instagram|
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!