Янгиликлар
Тадқиқотлар маркази томонидан онлайн ўқув курси ташкил этилди
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан Ўзбекистон Республикаси Вазирлар Маҳкамасининг 2026 йил 3 февралдаги 44-сон қарори ижросини таъминлаш мақсадида Коррупцияга қарши курашиш агентлиги билан ҳамкорликда масофавий (online) ўқув курси ташкил этилди. Мазкур ўқув курс доирасида қарорнинг мазмун-моҳияти, хусусан йирик инвестиция лойиҳаларини амалга ошириш жараёнида коррупцияга қарши механизмлар ҳамда рақобат муҳитини таъминлаш стандартлари бўйича атрофлича маълумотлар тақдим этилди.Ушбу ўқув курсида:Марказий банк, “Uzairways” АЖ, Экология қўмитаси, Олмалиқ КМК АЖ, “Ўзметкомбинат” АЖ, “Навоийазот” АЖ, “ИЭС” АЖ ҳамда бошқа вазирлик ва идораларнинг комплаенс йўналишидаги ходимлари фаол иштирок этиб, ўзларини қизиқтирган барча саволларга мутахассислар томонидан батафсил жавоб олдилар.Мазкур ўқув курслар давлат бошқаруви тизимида очиқлик, шаффофлик ва соғлом рақобат муҳитини таъминлашга хизмат қилади.|Telegram |facebook|instagram|
Соғлом рақобат — арзон нарх ва юқори сифат гаровидир
Бозордаги нархлар нега баъзан пасаяди, маҳсулот сифати эса яхшиланади? Бунинг асосий сабаби — соғлом рақобат. Рақобат мавжуд бўлган бозорда ҳар бир ишлаб чиқарувчи ёки хизмат кўрсатувчи ўз маҳсулотини яхшироқ, арзонроқ ва жозибадорроқ қилишга ҳаракат қилади. Чунки истеъмолчи танлов қилади — ва бу танлов айнан сифат ва нархга боғлиқ. Агар бозорда рақобат бўлмаса-чи?Бундай ҳолатда: - нархлар асоссиз равишда ошиши мумкин;- маҳсулот сифатига эътибор пасаяди;- истеъмолчида танлов имконияти чекланади. Соғлом рақобат эса бу ҳолатнинг олдини олади. У: - нархларни бозор механизми орқали тартибга солади;- маҳсулот ва хизматлар сифатини оширишга мажбур қилади;- янги ғоялар ва инновацияларни рағбатлантиради. Энг муҳими, рақобат — бу фақат бизнес учун эмас, балки истеъмолчи манфаати учун хизмат қиладиган механизмдир. Бугун сиз арзонроқ ва сифатлироқ маҳсулот танлаяпсизми?Бу — айнан рақобат самараси. Шунинг учун ҳар бир бозорда тенг шартлар, очиқлик ва адолатли қоидалар таъминланиши муҳим. |Telegram |facebook|instagram|
Пластмасса мебеллар бозори таҳлил қилинди
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан пластмассадан тайёрланган мебеллар бозоридаги рақобат муҳити ҳамда ички бозорнинг маҳаллий маҳсулотлар билан тўйинганлик даражаси ўрганилди. Таҳлил натижаларига кўра:Импорт ҳолати:2024 йилда 311 та корхона томонидан 31 та давлатдан жами 3,9 млн АҚШ долларлик (1,4 минг тн) пластмасса мебеллар импорт қилинган.Импортнинг асосий қисми:- Хитой — 74%- Тожикистон — 9%- Эрон — 6%- Бошқа давлатлар — 11%Энг йирик 5 та импорт қилувчи корхона ҳиссасига жами импортнинг 38% тўғри келган.2024 йилда 24 та корхона томонидан 10 та давлатга жами 82 минг АҚШ долларлик (41 тн) пластмасса мебеллар экспорт қилинган.Ички ишлаб чиқариш:2024 йилда 17 та корхона томонидан 14,6 млрд сўмлик (1,2 минг дона) пластмасса мебеллар ишлаб чиқарилган. Тўйинганлик даражаси:Ҳисоб-китобларга кўра, ички бозорнинг маҳаллий маҳсулотлар билан тўйинганлик даражаси 48,4% ни ташкил этган.Эслатиб ўтамиз, амалдаги тартибга кўра ушбу кўрсаткич 80% дан юқори бўлганда бозор тўйинган деб ҳисобланади. Хулоса: Пластмасса мебеллар бозорида маҳаллий ишлаб чиқариш маълум даражада шаклланган. Шу билан бирга, бозорда ушбу маҳсулотга бўлган талаб юқори бўлиб қолмоқда. Бу эса ишлаб чиқариш қувватларини кенгайтириш ва янги инвестиция лойиҳаларини амалга ошириш учун имкониятлар мавжудлигини кўрсатади. |Telegram |facebook|instagram|
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!